Cargando resultados...
Buscan un veciño de Lugo desaparecido en Navia de Suarna
Buscan un veciño de Lugo desaparecido en Navia de Suarna
Foi pescar a ese concello e xa non volveu
G24.gal
10/07/2023 16:31
Os servizos de emerxencias buscan un home no municipio lucense de Navia de Suarna.
Trátase dun veciño de Lugo que saíu a pescar este domingo e non regresou ao seu domicilio.
Segundo confirmou o 112 Galicia, o home, de avanzada idade, chegou ata a parroquia de Rao, onde foi localizado o seu vehículo.
O 112 tivo coñecemento desta desaparición pasada a medianoite e para a súa procura mobilizou a Garda Civil, ademais de dar aviso a agrupacións de voluntarios de Protección Civil da zona.
A busca céntrase na parroquia de Rao.
