Buscan unha galega desaparecida en Cataluña

Preocupación no concello ourensán de Piñor pola desaparición en Barcelona dunha veciña que adoitaba regresar cada pouco a Galicia. A súa familia está pendente de calquera pista que poida levar ata o seu paradoiro. 

Adelina Pintos Meiriño, ten 81 anos e a súa familia búscaa sen descanso dende que desapareceu hai un mes. Malia que ten raíces galegas, reside na localidade catalá de Sant Just Desvern dende hai moitos anos. A súa familia, a que vive en Cataluña e a de Galicia, non descansa na súa busca dende o pasado seis de marzo.

Aquí están as súas raíces, na aldea de Cotelas, no concello ourensán de Piñor, onde comprou e rehabilitou a casa á que volve cada ano polo verán. A familia pide que en caso de que alguén teña algún dato sobre o paradoiro de Adelina se poña en contacto coas forzas de seguridade.