Cae co coche nun regato de Ourense e marcha polo seu propio pé antes de que chegue a policía

Estraño accidente o que se rexistrou nas aforas de Ourense. Un coche caeu nun regato logo de romper o balado de protección. Segundo as testemuñas, o condutor saíu polo seu propio pé e deixou o vehículo abandonado no leito.

Malia que o accidente se produciu de madrugada, o automóbil non puido ser retirado ata ben entrada a tarde deste sábado polas dificultades que presentaba a zona. Ao parecer, o coche foi visto durante toda a semana facendo manobras de risco na zona.