Cae unha rede criminal dedicada a cometer estafas bancarias por Internet

En cuestión dunhas horas, unha empresa do Grove viu como baleiraban as súas contas bancarias mediante un programa que usurpara as súas claves bancarias.

A súa denuncia permitiulle ao xulgado número 1 de Cambados poñer en marcha a operación da Garda Civil, de nome Marware, que investigou 32 persoas, 21 delas en Madrid, catro en Ourense , outras catro en Portugal e tres máis en Toledo.

Mediante un software malicioso instalado no ordenador da vítima, a rede conseguía desviar ás súas contas importantes sumas de diñeiro.

Entre os detidos está o encargado de recrutar as "mulas económicas", pezas fundamentais da trama ao ser quen facilitan as súas contas bancarias á organización para retirar o estafado.

O primeiro que facían era a captación mediante correos 'phising' a distintas empresas en que suplantaban unha entidade bancaria e, unha vez instalados, os programas maliciosos accedían ás claves das contas bancarias comerciais.