Campaña da Delegación do Goberno en TikTok para os mais mozos contra a violencia machista

Un garabato que hai uns días pintaban uns rapaces na Coruña vai converterse na base dunha mensaxe que desde este serán circulará por TikTok para concienciar os máis novos contra a violencia machista.

Partindo dese garabato, a tiktoker Ireiusx traballou durante estes días na elaboración dunha ilustración que protagonizará a campaña coa que a Delegación do Goberno en Galicia lle quere dicir non á violencia de xénero nas redes sociais.

Os seus promotores aseguran que é unha mensaxe necesaria porque na actualidade hai 4.200 mulleres en Galicia que están en seguimento ou baixo protección da Policía ou a Garda Civil.