Prosegue a campaña intensiva de vacinación infantil contra a gripe

O persoal sanitario disfrázase para facer algo máis levadía a picada da vacina contra a gripe. Co obxectivo de chegar ao maior número posible de menores, a campaña desenvólvese na fin de semana, para facilitar a conciliación de nais e pais.

"Nestes últimos dous anos co tema das máscaras había menos inmunidade nos nenos contra a gripe, entón para reforzar un pouco eses sistemas inmunitarios, empézase a ofrecer a vacinación da gripe", explica Diego Carrizo, enfermeiro e coordinador do equipo de vacinación do hospital de Ourense. 

Está convocado o grupo que vai dos seis meses aos cinco anos.

"Eles dous estiveron bastante maliños e despois contaxiáronnos. Entón, pois para protexernos un pouquiño. Eu todo o que saia de vacinas son partidaria de pólas", asegura unha nai.

"Para reforzar e que non collan nada grave, que ela xa estivo ingresada de pequena e así evitámolo", comenta un pai.

"Todo o que sexa botar un cable e que non pille nada, pois mellor", considera outro.

Esta campaña estase a desenvolver en 14 hospitais públicos de Galicia.