Catro grandes supermercados, entre os sancionados por incumprir a Lei da cadea alimentaria
Catro grandes supermercados, entre os sancionados por incumprir a Lei da cadea alimentaria
En total hai 69 empresas sancionadas, a maioría por irregularidades na fixación de prezos ou incumprimento dos prazos de pagamento aos produtores
O Goberno sanciona 69 empresas por violar a Lei da cadea alimentaria, a que vela polo equilibrio entre os produtores e os distribuidores de alimentos. Entre elas hai catro grandes supermercados: Carrefour, Dia, a propietaria dos supermercados Lupa e a galega Froiz.
A maioría das sancións son por irregularidades no procedemento de fixación de prezos ou por incumprimento dos prazos de pagamento aos produtores.
Este último caso é o de Froiz, cunha multa que ascende a tres mil euros.
Pero as sancións non son só para grandes cadeas de distribución, senón tamén para empresas variadas de sectores como o lácteo, o hortofrutícola, conserveiras ou adegas.
Polo momento as multas non pasan dos dez mil euros, pero en caso de reincidencia ou de infraccións máis graves poderían chegar ao millón de euros.
