Cargando resultados...
Cerdedo-Cotobade lembra as sete vítimas do accidente dun autobús en Noiteboa
Cerdedo-Cotobade lembra as sete vítimas do accidente dun autobús en Noiteboa
No aniversario do sinistro celebrouse un funeral oficiado polo arcebispo de Santiago
G24.gal
22/12/2023 18:55
Última actualización 22/12/2023 19:07
Cerdedo-Cotobade acolleu esta tarde un funeral polas vítimas do accidente de tráfico na Noiteboa do ano pasado.
Foron moitos os veciños que se achegaron á igrexa de San Xoán Bautista de Cerdedo para lembrar as sete persoas que perderon a vida ao caer un autobús de liña ao río na parroquia de Pedre.
O arcebispo de Santiago oficiou a misa de cabodano á que tamén asistiron familiares e achegados das vítimas. O accidente motivou a creación do Pacto de Pedre para reclamar melloras na estrada Nacional 541.
