Cervantes presume da posible orixe galega dun escritor universal
Cervantes presume da posible orixe galega dun escritor universal
Varios expertos sitúan a orixe familiar do escritor no pazo de Saavedra, en Cervantes
Defenden, que no Quixote, Cervantes situou a orixe da súa liñaxe xunto aos montes de León
Os estranxeiros que percorren Galicia dan fe de que Cervantes é o noso escritor máis universal. Pero poucos coñecen a teoría de que a súa orixe pode estar no concello que lle deu apelido: o de Cervantes, nos Ancares lugueses.
Alí está o castelo do antigo Señor de Cervantes, en Doiras, e outras propiedades, como o pazo de Saavedra coa súa capela de San Miguel, que avalan esta teoría. Moitos indicios para afirmar un vínculo do que moitos senten orgullo.
Hoxe no colexio celebran o Día do Libro coincidindo co seu cabodano. A pegada de Cervantes está sempre moi presente nas súas actividades. No capítulo 39 da súa grande obra, o Quixote describe precisamente as terras da súa liñaxe, nas montañas entre León e Galicia.
