Chega ao mercado o chícharo Bágoa Atlantic tras 14 anos de investigación no CSIC
Chega ao mercado o chícharo Bágoa Atlantic tras 14 anos de investigación no CSIC
Chámanlle caviar vexetal porque é un gran moi pequeno e en boca produce unha explosión de sabor
O seu prezo pode superar os 300 euros por quilo debido a que hai pouca produción e é difícil de obter
Bágoa Atlántic é unha variedade única, para os padais máis exquisitos, froito de moito tempo de traballo na Misión Biolóxica de Galicia, no CSIC.
"Seleccionamos no campo e no laboratorio. Fomos buscando que reunira as cualidades que se lle esixen ao chícharo bágoa. Chámanlle caviar vexetal porque é un grao moi pequeno. Ten forma de bágoa e en boca dá como unha explosión de sabor. É acuoso con certo sabor", conta Antonio de Ron, investigador da Misión Biolóxica de Galicia (CSIC).
O seu prezo, uns 300 euros por quilo, explícase por varias razóns.
"Está moi cotizado por dúas razóns. A primeira é porque hai pouca produción e os restauradores non teñen moitos provedores que llelo subministren. Ademais é un produto custoso de obter manualmente. Hai que colleitar á man, sacar os graos co moito coidado porque son moi tenros"
A variedade rexistrouse hai un ano, e agora inicia a súa comercialización tras a sinatura dun contrato de licenza de explotación entre o CSIC e a empresa de agricultura ecolóxica El Calabacín Rojo e outro entre o CSIC e Culler de Pau, o restaurante do Grove con dúas estrelas Michelin.
