Cargando resultados...
Chegan a España os evacuados de Níxer
Chegan a España os evacuados de Níxer
Son 16 españois e 4 familiares nixerinos
O avión do Exército do Aire repatriou outros 54 cidadáns de varias nacionalidades
Antón Montero
04/08/2023 20:21
Última actualización 04/08/2023 20:39
Conclúe a repatriación dos españois que permanecían atrapados en Níxer desde o golpe de estado da semana pasada.
Un avión do exército do Aire aterrou esta tarde na base militar de Torrexón de Ardoz con 16 españois e 4 familiares nixerinos. No voo, tamén viaxaron outras 54 persoas doutras nacionalidades.
Os 16 españois repatriados súmanse aos 31 chegados nos últimos días en voos fretados polas autoridades francesas e alemás.
A embaixada española en Níxer permanecerá aberta para prestar asistencia aos españois que decidiron quedar no país, sumido desde hai unha semana nun golpe de Estado.
