Colau nega que dese instrucións para sancionar o fondo de investimento Vauras
Colau nega que dese instrucións para sancionar o fondo de investimento Vauras
Vauras afirma que o concello presionounos con sancións e atrancos administrativos para que destinase vivendas a alugueiro social
A alcaldesa negou que dese instrucións aos Mossos para impedir o desafiuzamento do Bloc Llavors
A alcaldesa de Barcelona, Ada Colau, negou no xulgado que dese indicacións aos servizos municipais para que sancionasen o fondo de investimento Vauras, co fin de que destinase inmobles da súa propiedade a alugueiro social ou lles paralizasen obras como forma de presión. Tamén nega intervir na concesión de licenzas de obras ao fondo e reunións cos seus representantes.
Colau declarou como investigada diante da xuíza do Xulgado de Instrución número 18 de Barcelona polos delitos de coaccións e prevaricación por mor da querela que presentou contra ela o fondo de investimento Vauras, que mantén que o Concello lle meteu presión mediante sancións e trabas administrativas para que destinase vivendas a alugueiro social.
Nunha breve declaración, Colau, que se negou a responder as preguntas de Vauras, aduciu que pouco despois de acceder á alcaldía delegou as súas funcións sobre concesión de licenzas nos servizos municipais, polo que non tivo intervención algunha nos procesos sancionadores nin nos expedientes de obras relacionados co fondo de investimento.
O edificio, Bloc Llavors, no barrio do Poble-sec propiedade de Vauras, foi ocupado en 2017 por familias vulnerables. Finalmente foron desafiuzadas entre protestas e cargas policiais.
Fuerza a las compañeras de Barcelona, que tratan de resistir a un desahucio poniendo sus cuerpos como última barricada. #PerLaVictòria
— Sindicato Vivienda Carabanchel (@SVCarabanchel) May 25, 2021
pic.twitter.com/fxhXBveyJo
O concello abriu seis expedientes sancionadores a Vauras, con multas de en total 400.000 euros, por non dar en alugueiro social pisos da súa propiedade a pesar de ser un gran propietario, e Colau subliñou que ela non interveu nestes procedementos.
Outro xuíz de instrución rexeitou admitir esta querela en novembro de 2020 ao concluír que os feitos descritos polo fondo de investimento non eran constitutivos de infracción penal.
