Comeza a época dos exvotos de cera

Coa chegada do bo tempo proliferan as romaxes relixiosas, e nelas, un dos elementos que non fallan son os exvotos de cera.

Deste xeito, as tendas especializadas aumentan as súas vendas. "As gorxas son o que más se venden", di Sandra Vilariño, unha das vendedoras de estas figuriñas. A comerciante tamén destaca as pernas, os xeonllos ou as cabezas como outras das partes do corpo máis vendidas.

Porén, dentro destas peticións sempre hai algunha más extravagante, pois cada un pide para o que máis lle compre: "Unha muller maior pediume un pene expresamente".

Dun tempo a esta parte repunta a demanda de figuras de animais de compañía, e Sandra Vilariño afirma que "o can é unha das cousiñas que máis vendo agora".

Malia que a electrónica invadiu o mundo das candeas, a cerería sempre terá o seu nicho de mercado entre os devotos romeiros.