Comeza a veda do polbo en Galicia, que se estenderá ata o 3 xullo

Comeza a veda do polbo en Galicia e este venres atopamos nos mercados os últimos exemplares frescos.Os vendedores aseguran que neste último día houbo pouco pero, malia isto, din que o prezo non se alterou. O quilo roza os dezaoito euros.

E como xa non atoparemos exemplares galegos ata o próximo 3 de xullo, uns foron previsores e xa mercaron estes días para telo conxelado. Outros, pensárono ata o último momento.

Durante as próximas seis semanas nin profesionais nin recreativos poderán extraer polbos das augas galegas.