Tráfico pon en marcha unha das operacións retorno máis importantes do ano

A primeiras horas da tarde comeza o retorno da operación especial de Tráfico da ponte da Constitución e da Inmaculada. Segundo prevé a DXT, rexistraranse problemas de circulación nos eixes viarios principais a partir das tres da tarde.

Nun primeiro momento, a intensidade notarase sobre todo nas estradas de acceso a zonas de montaña, nas autoestradas e nas autovías. Xa polo serán, as complicacións trasladaranse ás entradas dos grandes núcleos urbanos.

Para evitar atoamentos, instalaranse medidas de ordenación e regulación do tráfico nestes puntos. O dispositivo especial dunha das operacións retorno máis importantes do ano estará activo ata a medianoite.