Comeza unha nova edición da campaña 'Instagramers no Camiño'

Seis influencers galegos ultiman os preparativos para sumarse á segunda edición da campaña 'Instagramers no Camiño'.

Natalia Maquieira, Tamara García Romero, Xurxo Carreño, a actriz Cristina Castaño, e os cantantes Roi Méndez e Luís Cepeda completarán os últimos cen quilómetros da Vía da Prata. Dividirán en cinco etapas o percorrido entre Ourense e Santiago. 

Xuntos suman case catro millóns de seguidores en Instagram, a rede social en que van compartir as súas vivencias nestes días. Farano cos cancelos #GaliciaDestinoSeguro e #CamiñaAGalicia. 

É unha campaña da Xunta para promover o Xacobeo, agora que se inicia a tempada alta. Calculan que a anterior edición de Instagramers no Camiño sumou 13 millóns de impactos en redes sociais.