Comezan as probas da convacotaria extraordinaria da ABAU para 2.750 alumnos galegos

Entre este martes e pasadomañá, xoves, 2.750 alumnos galegos están chamados a participar na convocatoria extraordinaria da ABAU, as probas de acceso á universidade, que se celebra en 14 sedes repartidas por toda Galicia.

Son alumnas e alumnos que tiñan pendente algunha materia do bacharelato en xuño, suspenderon na convocatoria ordinaria desta ABAU ou queren subir nota.

Pola mañá fixeron os exames de Historia de España e Lingua Castelá e Literatura e pola tarde será a quenda das primeiras materias de modalidade, deberán escoller entre Matemáticas ou Latín e entre Economía da Empresa ou Deseño.