Comparece ante a Fiscalía de Menores un mozo de 16 anos acusado de matar a nai en Valladolid

Este venres pasará á disposición da Fiscalía de Menores o adolescente de 16 anos acusado de matar a nai en Valladolid despois dunha discusión no seu domicilio. A muller foi apuñalada cun coitelo de cociña.

O presunto parricida chamou unha amiga por teléfono e contoulle o que pasara, esta rapaza foi a que alertou a policía. De primeiras, o mozo non quixo abrir a porta e os axentes tiveron que entrar pola parte de atrás da vivenda, rompendo uns cristais. Os sanitarios só puideron confirmar a morte da muller, de 50 anos. Hoxe faranlle a autopsia ao cadáver.