Con canto alcol podo dar 0,2?

Tráfico pretende rebaixar a taxa actual de 0,5 gramos por litro en sangue a 0,2 (ou de 0,25 miligramos por litro de aire aspirado a 0,10) para todos os condutores. Como se traduce iso en termos de alcol inxerido? 

A taxa de alcol en sangue non segue unha regra matemática e depende de múltiples factores como os alimentos que se tomaron, o tipo de bebida, o tempo transcorrido desde a inxestión ou a tolerancia ante o alcol.

Pero tamén existen outros factores, como a idade, a hora do día, ou o peso da persoa. Así, o alcol afecta máis aos menores de 18 anos e aos maiores de 65, ás mulleres máis ca aos homes e ás persoas delgadas máis ca ás grosas.

Coa mesma inxestión de bebidas, unha muller, sobre todo nova, ou alguén de pouco peso dará maior taxa ca un home ou un condutor de maior peso.

Pero aínda hai máis factores que inflúen, como a hora do día. Durante o descanso, a eliminación do alcol é moito máis lenta que durante os períodos de actividade.

Acabouse o de beber antes de conducir

Tendo en conta todas as variables anteriores, Tráfico establece unha serie de medidas estándar sobre as bebidas máis habituais, e practicamente todas chegan á taxa de 0,2 l/g en sangue ou a superan.

Un terzo de cervexa nun home de entre 70 e 90 quilos lanzaría unha taxa entre 0,21 e 0,28, é dicir, prohibida. No caso dunha muller entre 50 e 70 quilos, a taxa oscilaría entre 0,34 e 0,48.

Un condutor dese peso que tome un vaso de viño de 100 mililitros arriscaríase a chegar ao límite, xa que, segundo os cálculos da DXT, xa daría entre 0,16 e 0,2. Unha muller non podería poñerse ao volante, pois polo menos alcanzaría os 0,25.

Os homes entre 70 e 90 quilos poderían tomar un vaso pequeno de vermú ou un chopo dun licor de baixa graduación (23 graos) sen superar a taxa pero nas mulleres saltaría o alcoholímetro.

Trucos que non serven

Tráfico pide nas súas recomendacións evitar os mitos e falsos trucos para superar a alcoholemia, como facer exercicio, tomar goma de mascar ou caramelos, mastigar grans de café, beber aceite ou consumir cocaína. Tampouco basta con tomar un café ou un te, dar unha breve cabezada ou comer mentres se bebe. 

Tráfico leva anos alertando sobre os efectos perniciosos de poñerse ao volante logo de consumir alcol, mesmo en niveis baixos. A proposta de rebaixar a taxa de alcoholemia atende ás numerosas peticións que as asociacións de vítimas e fundacións do ámbito da seguridade viaria elevaron ante a Dirección Xeral de Tráfico (DXT).

E é que segundo un informe do Instituto Nacional de Toxicoloxía, máis da metade dos condutores falecidos en 2023 en accidentes de tráfico en España e sometidos a autopsia consumira alcol, drogas ou psicofármacos,