Continúa a busca do octoxenario desaparecido en Boborás

Sen rastro de Marcial Manteiga Veiras, o octoxenario que desapareceu o venres pola tarde en Boborás, cando saíu el só a dar un paseo polos arredores da aldea do Regueiro, onde vive coa súa muller. Marcial padece alzhéimer e as horas transcorridas xunto coas baixas temperaturas destes días xogan na súa contra. 

Este domingo dende primeira hora da mañá, continuaron cos labores de busca. Xunto coa Garda Civil, Protección Civil de Boborás, o GES de Avión e os Bombeiros do Carballiño, traballan no rastrexo unha chea de voluntarios, veciños e familiares do desaparecido.

Revisan cada palmo de terreo na busca dalgunha pista, polo momento sen resultado.