Continúa a recollida de produtos non perecedoiros para enviar aos afectados pola DINA
Continúa a recollida de produtos non perecedoiros para enviar aos afectados pola DINA
En Ferrol, a confraría da Merced sumouse ás entidades que organizaron recollidas
En Santiago, Protección Civil continúa recibindo doazóns ata o mércores
Desde o local de Protección Civil de Santiago saíu xa o primeiro cargamento de axuda con destino ao concello valenciano de Almusafes. E preparan outro para enviar este luns.
"Pedíronnos auga, leite para nenos e maiores, cueiros para nenos e maiores, biberóns, alimentos non perecedoiros: conservas, legumes, pasta, arroz e produtos de hixiene persoal e calcetíns".
Son produtos de primeira necesidade doados pola veciñanza. Está previsto continuar coa recolleita ata o mércores.
"É emotivo dentro dunha traxedia tan grande ver como a xente responde. E logo quero poñer en valor o traballo dos voluntarios de Protección Civil".
Entre as voluntarias que acudiron a axudar clasificando o material doado, a alcaldesa da cidade.
"Estamos emocionadas da capacidade de solidariedade que ten o concello de Compostela. A xente entregouse".
En Ferrol, a Confraría da Mercé é unha das entidades que recolleu doazóns esta fin de semana.
"É tal a resposta da xente, do pobo, que xa non hai onde meter tanto. Ás 8 pechamos e, co corazón moi cheo, só podemos dicir grazas".
