Restablecido o tráfico no túnel de Folgoso, na A-52, tras o incendio dun vehículo
Restablecido o tráfico no túnel de Folgoso, na A-52, tras o incendio dun vehículo
Un vehículo que ardeu obrigou a pechar o túnel
O incidente provocou retencións quilométricas
O túnel de Folgoso na A-52, a Autovía das Rías Baixas que enlaza Galicia coa meseta a través das provincias de Pontevedra e Ourense, estivo cortado ao tráfico nos dous sentidos. O túnel de Folgoso sitúase á altura do concello da Cañiza.
Segundo informou a Garda Civil de Tráfico, un vehículo avariouse dentro, xa preto da saída en sentido Ourense, e comezou a arder. Afortunadamente non houbo feridos nin atrapados.
Por precaución cortouse o túnel nos dous sentidos, á espera da chegada do persoal de mantemento da vía para comprobar que non houbese danos na infraestrutura e se puidese retomar o tráfico con seguridade. O peche do túnel provocou retencións quilométricas.
Contra as nove da noite o tráfico comezou a restablecerse ata a retirada do vehículo incendiado.
