Crean o primeiro xeado elaborado con viño da Ribeira Sacra
Crean o primeiro xeado elaborado con viño da Ribeira Sacra
A mencía do viño achega o toque doce e a garnacha a cor e a intensidade
Quixeron poñer en valor os produtos da zona
Montse mestura os ingredientes cuxo protagonista principal é o viño.
Neste obradoiro de Taboada levan só uns días preparando o que é o primeiro xeado feito con viño elaborado na Ribeira Sacra.
A cor das castes mencía e garnacha é notoria no xeado e tamén no sabor se ve reflictida.
A aposta vén motivada polo desexo de aproveitar os produtos e sabores que ofrece a comarca para elaborar os xeados.
Para que o xeado sexa o mellor posible, tamén debe selo o viño. Por iso, optaron por empregar o que sae destes viñedos da beira do Miño, que presenta as características de frescor e estrutura que mellor combinan co resto de ingredientes.
Tamén influiu o feito de tratarse de dúas empresas pequenas que apostan pola calidade e a artesanía alimentaria.
O xeado estará dispoñible os vindeiros días nas tendas que a empresa ten no camiño de Santiago. E é que xa di o refrán que o bo viño resucita o peregrino.
