O presidente do Tribunal Superior de Xustiza: "Ana Sandomil non sairá de prisión antes do xuízo"

O presidente do Tribunal Superior de Xustiza de Galicia cre que o novo xuízo a Ana Sandomil polo asasinato da súa filla Desirée vai celebrarse antes de que a condenada poida saír de prisión.

Non se trata dun caso cunha pena pequena senón dunha prisión permanente revisable, polo que, segundo o maxistrado, ten que ser analizado con moito detalle tanto por parte do xurado como do Tribunal de Apelación.

José María Gómez e Díaz-Castroverde asegura que para o sobresemento da prisión provisional aínda faltan bastantes meses, e é de esperar que o xuízo se celebre antes.