Descobren no Arquivo Diocesano de Santiago 35.000 negativos inéditos

Xestionan cinco séculos de historia, dos arquivos de máis de mil trescentas parroquias. E están afeitos a atopar anécdotas e curiosidades entre toneladas de tomos manuscritos.

Pero para os traballadores do Arquivo Diocesano de Santiago foi unha verdadeira sorpresa atopar entre ese material máis de 35.000 negativos.

Eran fotos, feitas por un cura, Salvador Ares Espada, que fora encargado de facer o inventario dos bens da igrexa e que, quizais sen pretendelo, acabou documentando a forma de vida da Galicia dos 70.