Desmantelan un punto de venda de droga coa detención dun veciño da Pobra
Desmantelan un punto de venda de droga coa detención dun veciño da Pobra
A operación da Garda Civil de Boiro rematou co envío do arrestado ao cárcere
Os axentes incautáronse de dez quilos de pole de haxix e 156 doses de cocaína
Material incautado na Pobra na operación "Hood Rebour" / Garda Civil
A Garda Civil de Boiro detivo un veciño da Pobra do Caramiñal na operación Hood Rebour, na que desmantelou un importante punto de venda de substancias estupefacientes nesta mesma localidade.
A operación iniciouse tras coñecer a posible existencia dun punto de venda de drogas a pequenos vendedores da Pobra. Tras identificar unha das persoas que supostamente fornecía destas substancias a pequenos vendedores, os efectivos da unidade lograron interceptala na localidade mentres realizaba unha transacción de drogas con outro home.
A Garda Civil procedeu á detención do home como suposto autor dun delito contra a saúde pública, ao localizar no rexistro das súas pertenzas 900 dose de pole de haxix e 2.810 euros en moeda fraccionada. Ademais, no rexistro dunha vivenda atoparon 9.285 gramos de pole de haxix en pastillas preparadas para vender, 156 doses de cocaína e 240 euros en moeda fraccionada.
O detido, xunto co informe das actuacións realizadas, as substancias e o efectivo atopado, foi posto a disposición do Xulgado de Instrución nº 2 de Ribeira, que decretou o seu ingreso en prisión.
