Deteñen catro persoas na desarticulación dun punto de venda de droga en Vilagarcía
Deteñen catro persoas na desarticulación dun punto de venda de droga en Vilagarcía
Os axentes comisaron unha mochila que contiña 1,8 quilos de haxix, amais doutras pequenas cantidades doutras drogas
A Policía Nacional detivo catro veciños de Vilagarcía de Arousa por un delito de tráfico de drogas nunha operación na que se desarticulou un punto de venda e distribución.
Os detidos foron sido interceptados polos axentes de seguridade cidadá de forma coordinada nos dispositivos establecidos para o efecto cando levaban a cabo diferentes vendas de droga en plena vía pública, explica a Policía nun comunicado.
Así, os axentes realizaron un rexistro nunha vivenda da zona onde detiveron a tres persoas e incautáronse de varias cantidades de substancias estupefacientes: un total de 18 bolsas de cocaína para a súa distribución en dose, 37 gramos de cocaína e unha báscula de precisión.
Noutro dos dispositivos, que levou a cabo polo servizo de radiopatrullas e grazas á colaboración cidadá, incautouse unha mochila que contiña 1,8 quilos de haxix en varios paquetes embalados en plástico.
A Policía agradece a colaboración cidadá, xa que recibiu queixas veciñais pola existencia de puntos de venda de drogas.
