Deteñen os donos dun bar de Vilalba que tiñan droga e armas agochadas no local

Deteñen os donos dun bar de Vilalba por tráfico de drogas. A Garda Civil atopou droga e armas agochadas nun almacén e na oficina do local de hostalaría. Os detidos son veciños desta localidade lucense e teñen 38 e 27 anos.

No rexistro, os axentes atoparon algo máis dunha ducia de pequenos paquetes con cocaína, medicamentos cos que, presuntamente, cortarían e manipularían a coca.

No local había armas ilegais e tamén cartos en metálico. A previsión é que pasen a disposición xudicial nas próximas horas.