Deteñen tres homes acusados de acoitelar outro nun pub da Coruña

A Policía Local da Coruña detivo tres homes acusados de acoitelar outro varón, e un cuarto por resistirse aos axentes.

A agresión tivo lugar nun pub da zona do Orzán. Segundo fontes próximas á investigación, un dos arrestados quixo entrar no local cando este ía pechar, e acabou acoitelando varias veces a vítima, que estaba alí nese momento. O ferido permanece hospitalizado, aínda que fóra de perigo.