Deteñen en Cangas unha pelexa multitudinaria de menores de idade

A Garda Civil conseguiu deter unha pelexa multitudinaria entre menores no parque da Choupana, no concello pontevedrés de Cangas. Nesta pelexa ían participar entre 30 e 40 mozos. Os axentes presentáronse no lugar antes de que se rexistrase ningún incidente e identificaron os alí presentes, que decidiron abandonar o lugar.

Algunhas das persoas identificadas contan con diversos antecedentes asociados ao tráfico e venda de drogas. Outros dos identificados tiñan antecedentes por portar armas brancas como machetes, navallas ou machados.