Detidas sete persoas en Bueu ao desarticularse un grupo de distribución de droga

A Garda Civil Pontevedra desarticulou un grupo dedicado á venda e distribución de cocaína e heroína na zona do Morrazo dirixido desde a localidade de Bueu e detivo sete persoas.

As investigacións iniciáronse a mediados do ano 2022, cando os axentes da Garda Civil, froito da análise da información sobre a distribución e subministración de droga, tiveron coñecemento das actividades deste grupo.

Segundo explicou o corpo, esta organización tiña un "dominio absoluto do mercado" na localidade de Bueu e arredores. A explotación da operación deu comezo o pasado día 4; efectuáronse rexistros nas localidades de Cangas e Bueu, en que participaron outros compoñentes, como o Equipo EBIO de Pontevedra e o Servizo Cinológico da Comandancia.

Durante estas actuacións, foron intervidos 1.500 gramos de cocaína, 1.200 gramos de heroína, básculas de precisión, diferentes substancias de corte para a súa elaboración, unha envasadora ao baleiro, móbiles, un turismo, un automóbil e 65.000 euros en efectivo.

Dos sete detidos, seis con antecedentes policiais, a autoridade xudicial decretou o ingreso en prisión de un (o principal dirixente do grupo), e seis quedaron en liberdade con cargos.