Detido un home de 28 anos por asasinar en Bilbao unha familiar de 89
Detido un home de 28 anos por asasinar en Bilbao unha familiar de 89
O homicida achegouse a unha patrulla da Ertzaintza e dixo que apuñalara unha familiar
![](https://img-g24-crtvg.flumotion.com/prog24/2023/20230616/20230616CrimenBilbao.png)
Un home de 28 anos foi detido no barrio bilbaíno de Santutxu pola súa implicación no asasinato dunha muller de 89 coa que lle unen lazos familiares e que foi atopada morta nunha vivenda con lesións provocadas por arma branca.
Sobre esta medianoite un home achegouse a unha patrulla de protección cidadá da Ertzaintza e indicou que apuñalara unha familiar nun domicilio situado na zona de Santutxu en Bilbao.
Recursos policiais e sanitarios acudiron ao lugar, onde comprobaron que nun dos cuartos da casa estaba unha muller que presentaba signos de violencia causados por unha arma branca, achada xunto á vítima.
O persoal médico confirmou o falecemento da muller e o home foi detido como suposto autor do homicidio.
O corpo sen vida da vítima foi trasladado ao Servizo de Patoloxía Forense de Bilbao, onde se lle realizará a autopsia.