Detido un home en Lugo acusado de ferir unha muller cunha navalla e fuxir

A Policía Nacional detivo en Lugo un home que feriu cunha navalla unha muller coa que mantivera unha acalorada discusión no Camiño de Pipín.

A lea, entre polo menos catro persoas, foi subindo de ton e a veciñanza chamou a policía. Varias patrullas desprazáronse ata o lugar pero xa se meteran nun portal.

De acordos cos primeiros datos, as forzas de seguridade arrestaron o suposto autor da agresión tras unha persecución por varias rúas coa navalla na man.