Detido un home pola vaga de roubos en locais do barrio compostelán das Galeras

A Policía Nacional detivo un home relacionado cos roubos que se produciron nas últimas semanas en locais do barrio compostelán das Galeras.

Este mesmo xoves, a subdelegada do Goberno na Coruña, María Rivas, detallaba que os axentes traballaban coa hipótese de que persoas drogodependentes poderían estar detrás dos roubos ocorridos en establecementos de zonas da capital galega como As Galeras ou Santa Marta.

En todo caso, Rivas sostén que Santiago é unha cidade segura, pero recoñece que cando "en pouco tempo se producen varios intentos de roubo ou roubos" os cidadáns senten "que algo está a pasar".