Cargando resultados...
Detido un veciño de Verín por roubar 240 metros de cable telefónico
Segundo informan as autoridades, o home cortara todo ese cable telefónico entre Porto e Vilar de Barrio
Cable telefónico que roubou entre Porto e Vilar de Barrio
G24.gal
06/02/2025 12:14
Última actualización 06/02/2025 12:37
A Gardia Civil de Vilar de Barrio detivo un veciño de 40 anos de idade como presunto autor dun delito de furto en Verín (Ourense). A detención produciuse tras ser sorprendido polos axentes mentres manipulaba 240 metros de cable telefónico que cortou entre Porto e Vilar de Barrio.
Grazas á intervención, as autoridades lograron recuperar o cable subtraído, así como varias ferramentas que o detido utilizara para levar a cabo a manipulación do material roubado.
O caso foi posto á disposición do Xulgado de Instrución de Xinzo de Limia, que será o encargado de determinar as medidas xudiciais correspondentes.
