Detidos en Vigo os dous supostos autores dun roubo nunha empresa

A Policía Nacional detivo en Vigo os dous supostos autores dun roubo con forza nunha empresa de enxeñería no barrio de Teis.

Os feitos tiveron lugar na madrugada do día 7 de outubro, momento no que os autores forzaron o acceso ás instalacións da compañía para levar material informático e de telefonía, tarxetas de crédito que posteriormente utilizaron e mesmo un vehículo de alta gama. O montante dos efectos subtraídos ascendía a 21.000 euros.

Tal como informa a Policía Nacional, a investigación permitiu identificar os ladróns e a súa implicación no roubo.

Os dous foron detidos. Na vivenda dun deles recuperáronse a práctica totalidade dos efectos, así como o coche subtraído.