O cocido celebra o seu día no medio das celebracións do Entroido

Que prato non falta no Entroido? Si, o cocido. E hoxe celébrase o día deste prato típico de moitas zonas de España. Pero, sen dúbida, o que preferimos en Galicia é o noso. Hai tantas receitas como fogares, pero o que non falta son os produtos do porco, os garavanzos, os grelos ou a verza. 

O Día do Cocido cadra este ano co Xoves de Comadres, unha homenaxe ao prato por excelencia no Entroido. Un menú completo para estes días de troula, e é que fan falta moitas calorías.

Así están hoxe as tendas, ateigadas. O primeiro para un bo cocido é mercar produto de calidade. O cocido galego adoita facerse con repolo, verza branca ou grelos. Cocido maragato, montañés, ou madrileño, hoxe están todos de aniversario, pero a cada un gústalle o que comeu toda a vida, o seu.