Día grande da Virxe dos Milagres no santuario de Baños de Molgas

Hoxe no día grande da Virxe moitos son os que se achegan ata aquí para cumprir coa tradición.

Veñen, din, chamados pola devoción que lle teñen á Virxe, para agradecerlle os seus favores. 

Nin a chuvia nin a calor son motivo para que os fregueses non acompañen a Virxe estes días. Tamén a pasada noite no rosario dos fachos. Din que á Virxe dos Milagres nunca se lle molla o manto.

Aquí, din, todos teñen cabida. E o xeito de chegar ata aquí depende de cada quen.

"Estivemos recibindo xente que veu camiñando dende Xinzo de Limia, dende Verín, dende Ourense, e non só hoxe senón o longo de todo o verán, especialmente a finais de agosto e principios de setembro", apunta José Manuel Villar, reitor do Santuario dos Milagres. 

As misas seguen hoxe durante todo o día, mentres nos exteriores do recinto a romaría ábrelles as portas a todos os visitantes.