Dous condutores que superaban a taxa de alcolemia provocan accidentes en Lugo

No Concello de Lugo rexistráronse dous accidentes de tráfico esta fin de semana, nos que non houbo que lamentar feridos pero nos que, en ambos os casos, os condutores deron positivo en alcol.

Un deles, en Castelo de Arriba. Un turismo saíu da calzada e envorcou. Os axentes observaron que o condutor amosaba signos de embriaguez, polo que o someteron a unha proba, que deu coma resultado 0,40 miligramos por litro de aire expirado.

O outro accidente foi na rúa San Roque. O condutor cuadriplicaba a taxa de alcoholemia permitida.