Dous cruceiros atracaron este sábado no porto de Vigo

Os cruceiros baten marcas esta semana en Vigo con sete escalas e 22.000 visitantes a bordo. O dato deste mes de abril con quince escalas supera xa o prepandémico 2019 , en que tan só houbo dez escalas.

Os cruceiristas arremuiñábanse esta mañá arredor do porto e a carón dos autobuses que fan tours guiados pola cidade ou que levan os turistas a outros puntos da xeografía galega ou do norte de Portugal.

 Este sábado estiveron na cidade o Celebrity Silhouette e o Amera. Mañá será a quenda do MSC Preziosa.