Dous detidos en Lugo por extorsión a homes que buscaban sexo en Internet

A Policía Nacional detivo en Lugo dúas persoas que formaban parte dun grupo criminal que extorsionaba por toda España homes que buscaban encontros sexuais por Internet.

En total hai nove persoas detidas, dúas en Lugo e outras sete en Palma de Mallorca. Son catro homes e cinco mulleres, que están acusados de ameazar varóns que accederan a páxinas pero que finalmente non quedaran con ningunha muller.

As vítimas presentaron máis de 200 denuncias; entraban na páxina de citas e, no lugar de concertar un encontro sexual, recibían ameazas para que pagasen cantidades importantes de cartos.