Dúas mulleres foron rescatadas do incendio da súa vivenda en Mondariz

O bombeiros do Porriño rescataron no serán do mércores dúas mulleres que quedaran atrapadas no balcón da súa vivenda de Mondariz debido a un incendio no interior.

Un particular avisou de que unha casa ardía no lugar de Campo do Mouro, en Mouriscados, onde acudiron os bombeiros do Baixo Miño, Garda Civil, Policía Local, 061 e o servizos do GES de Ponteareas.

Tras o rescate, os bombeiros traballaron arreo desde as 19:00 horas ata as 23:00 para conseguir extinguir o lume. A vivenda ardeu por completo con todo o que había nela.

Ás mulleres trasladáronas, xa que precisaron atención médica por inhalación de fume.