EasyJet conecta dende este sábado Santiago co aeroporto de Gatwick

Novidades do aeroporto de Santiago que desde este sábado incorpora a terceira ruta a Londres co inicio dos voos estivais de EasyJet. Trátase dunha conexión directa co aeroporto de Gatwick.

A aerolíña británica súmase así a Ryanair e Vueling, que compiten xa con servizos diarios á capital británica, o destino internacional que máis medra.

Nas próximas catro semanas, a aerolíña británica unicamente operará servizos nesa ruta os sábados, pero desde o día 28 deste mes prestará tres voos semanais con servizos os luns e mércores.