Máis dunha ducia de detidos e varios rexistros nun operativo antidroga no Salnés

Máis dunha ducia de persoas foron detidas ata o momento nun operativo policial contra o tráfico de heroína que se desenvolve fundamentalmente na comarca pontevedresa do Salnés con ramificacións na provincia da Coruña e Portugal. 

O dispositivo permanece activo desde primeira hora da mañá, na que se produciron os detidos e se rexistraron distintos puntos en municipios como A Illa e Vilanova de Arousa, segundo apuntan fontes próximas á investigación.

A operación, bautizada con Ceira e na que participan Garda Civil, Policía Nacional e Vixilancia Aduaneira, desenvólvese desde a madrugada deste mércores e permanece en marcha baixo segredo das actuacións, segundo confirmou o delegado do Goberno, Pedro Blanco.

Ademais dos arrestos, o operativo incautouse dunha "significativa" cantidade de heroína, marihuana e distintos materiais vinculados ao narcotráfico, así como vehículos e diñeiro en metálico.

Ademais dos arrestos, o operativo incautouse de máis de 20 quilos  de heroína, marihuana e distintos materiais vinculados ao narcotráfico, así como vehículos e diñeiro en metálico, como trasladou en declaracións aos medios na mañá deste mércores o subdelegado do Goberno en Pontevedra, Abel Losada.