Entréganse os premios Artesanía de Galicia 2023

Este mércores, o presidente Alfonso Rueda entregou en Santiago os premios Artesanía de Galicia 2023.

A principal distinción foi para o taller Frouma Atlantic Wood pola peza 'Noray', elaborada a partir de madeira de batea reciclada e redes de pesca, sen utilizar axentes químicos no proceso.

O premio Artesanía de Galicia ten unha dotación de 9.000 euros. O premio á traxectoria recolleuno a viúva do oleiro Agapito González, falecido este mes de decembro, días despois de coñecerse a decisión do xurado.

Nas novas xeracións, conseguiu unha bolsa de 4.000 euros o tamén oleiro Alberto Añón Corral.