Cargando resultados...
Envían a xuízo o senador do PP Xosé Manuel Baltar por circular a 215 km por hora
Envían a xuízo o senador do PP Xosé Manuel Baltar por circular a 215 km por hora
![](https://img-g24-crtvg.flumotion.com/prog24/2023/20231219/colBALTARDECLARANOSUPREMO_frame_30.png)
G24.gal
11/07/2024 15:35
Última actualización 11/07/2024 15:43
A maxistrada da Sala Penal do Tribunal Supremo Ana Ferrer abriu xuízo oral ao senador do PP Xosé Manuel Baltar Blanco por un delito contra a seguridade viaria por conducir supostamene a 215 quilómetros por hora nun tramo limitado a 120 km/h na A-52 sentido Benavente, en Zamora.
O Ministerio Público acusa o senador do PP dun delito contra a seguridade viaria.
Do xuízo encargarase a Sala Segunda do Tribunal Supremo.
O acusado ten agora dez días para formular o seu escrito de defensa.
Na súa declaración ante a maxistrada, o tamén expresidente da Deputación de Ourense rexeitou cometer un delito contra a seguridade viaria, posto que sostén que nunca pasou o 200 km/h, o mínimo para que sexa considerado delito.