España recibirá a finais de xuño 5.000 doses da vacina contra a varíola do mono

España recibirá 5.000 doses da vacina contra a varíola do mono a finais de xuño. Anunciouno a ministra de Sanidade, Carolina Darias, tras o Consello Interterritorial de Saúde.

A Autoridade de Preparación e Resposta ante Emerxencias Sanitarias da Comisión Europea (HERA, polas súas siglas en inglés) asinou un contrato coa empresa  Bavarian  Nordic para a compra de 109.090 doses das súas vacinas de terceira xeración con obxecto de facer fronte á actual epidemia da varíola do mono. A España corresponderalle, como mínimo, o 10 % das doses.

"Como mínimo, a España vaille tocar un 10 por cento das vacinas contratadas. A previsión é que a finais de xuño poderemos recibir as primeiras 5.000 dose de vacinas", aseverou a ministra de Sanidade.

No noso país hai xa confirmados 323 casos da enfermidade. 

O Ministerio informará os martes e venres sobre os casos de varíola do mono rexistrados en España.