Evacuados dez menores tras caer a plataforma dunha atracción en Narón
Evacuados dez menores tras caer a plataforma dunha atracción en Narón
Investigan por que romperon os eixes que suxeitaban a estrutura na que había quince persoas
As autoridades locais aseguran que pasara a revisión técnica e contaba con memoria de seguridade
Na atracción ían quince nenos de entre seis e once anos cando os eixes que suxeitan a estrutura romperon e a plataforma móbil caeu con violencia.
Os cativos foron avaliados no hospital de campaña e alí mesmo comprobouse que ningún sufrira feridas ou lesións de importancia.
Aínda así, dez nenos foron trasladados a dous hospitais por decisión das familias para unha exploración máis completa.
A atracción Xamaica quedou precintada e ao longo da mañá foi desmontada e retirada. É relativamente nova: aínda non ten os dous anos.
Revisión técnica
O Concello de Narón e os responsables da comisión de festas confirmaron que os propietarios entregaran a memoria de seguridade e que as revisións técnicas e a proba de funcionamento foran satisfactorias.
A Policía Nacional asumiu as investigacións.
