Falece un home ao chocar co seu coche contra un camión na N-120 en Pantón
Falece un home ao chocar co seu coche contra un camión na N-120 en Pantón
O accidente ocorreu sobre as seis e media da tarde
Falece o condutor dun turismo tras chocar contra un camión na estrada N-120 á altura de Pantón.
Os bombeiros liberaron o condutor do turismo, pero os servizos sanitarios nada puideron facer pola súa vida.
Cara ás 18:30 horas, varios particulares contactaron co 112 Galicia para informar do sucedido: un turismo acababa de chocar contra un camión no quilómetro 543 da N-120, ao seu paso pola parroquia de Atán.
As primeiras informacións facilitadas polos alertadores apuntaban a que a persoa era incapaz de abandonar o vehículo.
De inmediato, solicitouse a colaboración de Urxencias Sanitarias de Galicia-061, dos Bombeiros de Monforte de Lemos, da Garda Civil de Tráfico e dos servizos de mantemento da estrada.
Ao mesmo tempo, o persoal sanitario comunicou a mobilización do helicóptero medicalizado con base en Ourense.
