Morre un home de 79 anos tras unha saída de vía en Barro
Morre un home de 79 anos tras unha saída de vía en Barro
O condutor, veciño do municipio pontevedrés de Meis, era o único ocupante do coche sinistrado
Un home de 79 anos faleceu este martes en Barro tras sufrir un accidente de tráfico na confluencia entre a estrada PO-531 e a autovía AG-41, despois de que o coche que conducía saíse da vía.
O accidente produciuse sobre as doce e media da mañá, segundo informou o 112 Galicia, na coñecida como rotonda de Curro.
A persoa que alertou aos servizos de emerxencia informoulles de que o condutor quedara atrapado dentro do vehículo.
Ao lugar dos feitos trasladouse unha ambulancia de Urxencias Sanitarias de Galicia-061 e unha patrulla da Garda Civil de Tráfico, que foi a que confirmou que a vítima falecera.
O condutor, veciño do municipio pontevedrés de Meis, era o único ocupante do coche sinistrado.
